падпicка

пошук па архiве

з:
па:

Падзеi

Курсы польскай мовы

Шаноўнае Спадарства!

Прыём заяў на курсы польскай мовы на 2016/2017 навучальны год скончаны. 

ЗАЯВЫ НА КУРСЫ БОЛЬШ НЕ ПРЫМАЮЦЦА.

Наступны набор будзе ўлетку 2017 года.

Вынікі залічэння будуць абвешчаны на сайце ў верасні 2016 года


Шаноўнае Спадарства!

З  1 да 30 чэрвеня 2016 года ідзе прыём заяў на курсы на 2016-2017 навучальны год
 


 
Польскі Інстытут у Мінску праводзіць 2-гадовыя курсы па вывучэнні польскай мовы, у межах якіх адбываецца таксама знаёмства з польскай літаратурай, гісторыяй, культурай і традыцыямі.
 
Фінансавыя ўмовы: курсы БЯСПЛАТНЫЯ. Адзіныя кошты з боку залічаных на курсы — аплата кошту падручнікаў, па якіх праводзяцца заняткі.
 
Гарады: Мінск, Магілёў, Віцебск, Маладзечна.
 
Працягласць навучання: поўны курс навучання доўжыцца 2 гады (вывучэнне польскай мовы з «нуля»). Адразу на 2-гі год навучання (навучанне, адпаведна, будзе доўжыцца 1 год) могуць быць залічаны асобы, якія на сярэднім узроўні ўжо валодаюць польскай мовай і хочуць павысіць узровень. 

Расклад заняткаў: навучальны год на курсах з кастрычніка да мая. Заняткі адбываюцца 2 разы на тыдзень, толькі ўвечары (за выключэннем групы ў Магілёве, дзе заняткі адбываюцца ўдзень), толькі ў буднія дні. Працягласць заняткаў — 2 акадэмічныя гадзіны.

Дакладны расклад і месца правядзення заняткаў устанаўліваюцца непасрэдна перад пачаткам навучальнага года.
 
Колькасць чалавек у групе: 20-30
 
Заняткі праводзяць: выкладчыкі і прафесары беларускіх універсітэтаў, а таксама лектары з Польшчы.
 
Прыём заяў: чэрвень (адзін раз на год!). 
 
Падача заяў: неабходна запоўніць і даслаць запоўненую анкету-заяву адпаведнага ўзору, якая будзе даступная да запаўнення ў перыяд прыёму заяў на курсы.
 
Кандыдаты: кожны грамадзянін Рэспублікі Беларусь ва ўзросце ад 18 год.
 
Умовы залічэння: набор праводзіцца на конкурснай аснове на падставе дасланых анкет-заяў.
 
Пасля заканчэння курсу выдаецца пасведчанне аб вывучэнні польскай мовы на курсах, арганізаваных Польскім Інстытутам у Мінску
 
УВАГА!!! Польскі Інстытут у Мінску пакідае за сабой права не гаварыць пра крытэрыі адбору слухачоў на курсы, а таксама не тлумачыць прычыны залічэння або незалічэння.