“ЛЮСТРА ДУШЫ”

Выданне кампакт–дыска “ЛЮСТРА ДУШЫ”. Фартэпіянная музыка Фрыдэрыка Шапэна ў выкананні Аляксандра Палякова

А. Палякоў – беларускі піяніст рамантычнага складу, яркай эмацыянальнасці. Яму ўласцівы своеасаблівасць і перакананасць інтэрпрэтацыі і высокая тэхніка выканання. Нарадзіўся ў 1983г. Скончыў Беларускую дзяржаўную акадэмію музыкі ў класе заслужанага артыста РБ, праф. Ю.М. Гільдзюка. З 2008г. - саліст Беларускай дзяржаўнай філармоніі. Сольныя канцэрты піяніста праходзілі ў розных гарадах Беларусі, а таксама Расіі і Францыі. А. Палякоў выступаў у  канцэртных залах Украіны, Эстоніі, Германіі. Піяніст з'яўляецца пераможцам юнацкіх конкурсаў. Узнагароджаны Залатым медалём, I Прэміяй на I Міжнародных Дэльфійскіх гульнях мастацтва (Бранск, Расія), II прэміяй на Міжнародным конкурсе піяністаў (Тальяці, Расія).