ЛЕПШЫЯ КІНАРОЛІ ЗБІГНЕВА ЗАПАСЕВІЧА

Фільмы дэманструюцца на мове арыгінала

Пачатак паказаў а 19-й гадзіне
Уваход вольны

 

6 студзеня

АХОЎНЫЯ КОЛЕРЫ /1976, каляр., 90 хв./                                                                

Рэжысёр: Кшыштаф Занусі

У ролях: Збігнеў Запасевіч, Пётр Гарліцкі, Крысціна Бігельмаер

Малады педагог Яраслаў - ідэаліст. Яго старэйшы калега - прагматык, які прапагандуе тэорыю «ахоўных колераў», згодна з якой чалавеку неабходна пастаянна прыстасоўвацца да абставін. За канфліктам двух педагогаў назіраюць выкладчыкі і студэнты. Некаторых з іх не задавальняе роля пасіўных назіральнікаў.

Узнагароды: Гран-пры за лепшы фільм, узнагарода за выкананне лепшай мужчынскай ролі для Збігнева Запасевіча на фестывалі ФПХФ у Гдыні (1977).

13 студзеня

МАЦІ КАРАЛЁЎ /1982, ч/б., 125 хв./                                                               

Рэжысёр: Януш Заорскі

У ролях: Магда Вуйцік, Збігнеў Запасевіч, Францішак Печка, Багуслаў Лінда

Аповед пра працоўную сям'ю, у якой галоўнай з'яўляецца маці. Гісторыя ахоплівае даваенны перыяд, нямецкую акупацыю і сталінскія часы. На кожным этапе маці - простая жанчына, поўная адвагі, яна змагаецца за сваю сям'ю і жыццё сваіх сыноў.

Узнагароды:  Гран-пры «ЗАЛАТЫЯ ГДАНЬСКІЯ ІЛЬВЫ» ФПХФ у Гдыні (1987).

«СРЭБНЫ МЯДЗВЕДЗЬ» і ўзнагарода FIPRESCI на МКХФ у Берліне (1988).

20 студзеня

БЕЗ АНЕСТЭЗІІ /1978, каляр., 110 хв./                                                            

Рэжысёр: Анджэй Вайда

У ролях: Збігнеў Запасевіч, Эва Далкоўска, Анджэй Северын, Крысціна Янда, Ежы Штур

Журналіст Ежы Міхалоўскі, вярнуўшыся з-за мяжы, даведваецца, што яго жонка кінула яго і пайшла да заклятага ворага. У Міхалоўскага пачынаюцца вялікія праблемы. Яго тэлевізійныя выступленні не карыстаюцца поспехам. Спынены лекцыі ва універсітэце, адменены выезды за мяжу.. 

Узнагароды: Гран-пры «ЗАЛАТЫЯ ГДАНЬСКІЯ ІЛЬВЫ» ФПХФ у Гдыні.

Узнагарода экуменічнага  журы на МКФ у Каннах.

27 студзеня
ЖЫЦЦЁ ЯК СМЯРОТНАЯ ХВАРОБА,                                               

ШТО ПЕРАДАЕЦЦА ПАЛАВЫМ ШЛЯХАМ /2000, каляр., 100 хв./

Рэжысёр і сцэнарыст: Кшыштаф Занусі

У ролях: Збігнеў Запасевіч, Крысціна Янда, Павел Окраска, Тадэуш Брадзецкі

Фільм пра каханне, чаканне смерці і схіленне да веры. Стары доктар памірае ў шпіталі. Пажылы чалавек трымае пад ложкам порцыю наркотыкаў, дастатковую для радыкальнага падарожжа ў іншы свет, але ён вырашае вярнуцца, каб даверыцца Невядомаму.

Узнагароды: Лепшы польскі фільм 2000 года. Узнагарода «ЗАЛАТЫЯ ГДАНЬСКІЯ ІЛЬВЫ» ФПХФ у Гдыні. Галоўны прыз на  ХХII Маскоўскім МКХФ 2000 г.

3 лютага
ПЕРСОНА НОН ГРАТА /2005, каляр., 112 хв./                                              

Рэжысёр: Кшыштаф Занусі

У ролях: Збігнеў Запасевіч, Даніэль Ольбрыхскі, Ежы Штур, Мікіта Міхалкоў, Марыя Беккер
Галоўны герой - польскі дыпламат – цяжка перажывае смерць сваёй жонкі. Ён падазрае, што ў жонкі быў раман з сябрам іх сям'і, дыпламатам з Расіі. Яны сустракаюцца пасля доўгіх гадоў разлукі. Аўдавеламу мужчыне трэба пераасэнсаваць усё сваё жыццё, зразумець, ці ён стаў «персонай нон грата» для акружэння, ці ёсць яшчэ надзея быць некаму патрэбным.

Узнагароды: Мікіта Міхалкоў - прыз за мужчынскую  ролю другога плана на ФПФ у Гдыні (2005), Кшыштаф Занусі – спецыяльная ўзнагарода журналістаў ХII МКФ «Лiстапад» у Мінску (2005).